Loading...
Coffehouse 2017-07-06T22:43:23+00:00
[/fusion_builder_column][/fusion_builder_row][/fusion_builder_container]

EINSTÖK UPPLIFUN

Tekið er á móti hópum allt að 30-35
manns utan venjulegs
opnunartíma.

Vegna metnaðar og gæðakrafna minna til matargerðar verður lagt upp með það að nota ávallt úrvals hráefni, að mestu leyti beint frá býli og veitingarnar lagaðar frá grunni á staðnum. Nýbakaðar kökur og brauð eru á boðstólum daglega ásamt glútenlausu kaffibrauði. Vonandi eiga því allir viðskiptavinir eftir að finna eitthvað við sitt hæfi í Hendur í höfn- kaffihús.

Opið verður alla daga vikunnar yfir sumartímann frá kl. 11.00-17.00 en eingöngu fyrir hópa yfir veturinn.

Boðið er upp á næringaríkarsúpur með heimbökuðum brauðum og spennandi meðlæti alla daga ásamt Hamingju-og grilllokum. Fjölbreitt úrval af tertum og sætabrauð daglega og bjóðum við einning upp á mikið úrval af glutenfríum veitingum, hrákökum og öðrum sérveitingum.

Boðið er upp á tækifærisnámskeið fyrir hópa með mat.

Inniviðir staðarins eiga það sameiginlegt að vera komnir til ára sinna en hafa fengið upplyftingu og nýtt hlutverk. Gömul bollastell sem ég hef safnað árum saman fá nú að njóta sín ásamt glærum glerdiskum sem ég hef hannað, en þá prýða dúkamynstur frá tveimur látnum heiðurskonum, ömmu minni Guðnýju og Ástu Ástmundsdóttur vinkonu minni. Dúkamynstrin hennar Ástu prýða líka púða , borð, svuntur og filmur í glugga.

Húsgögn úr vörbrettum voru smíðuð á staðnum og koma þau mjög smekklega út, sem og gömul borð og stólar sem flikkað hefur verið upp á. Þannig má segja að gamalt og nýtt, endurvinnsla og nýsköpun mætist í útliti staðarins. Ákvað ég að skapa stað þar sem ég sjálf vildi eyða tíma mínum með góðum kaffi-tebolla og meðlæti.